საქართველოს კულტურული მემკვიდრეობის დაცვის ეროვნული სააგენტოს ნებართვისა და საქართველოს ისტორიულ ძეგლთა დაცვის და გადარჩენის ფონდის დაფინანსებით განხორციელდა ხონის მუნიციპალიტეტის სოფ. მათხოჯის წმ. ნინოს სახელობის ეკლესიის რეაბილიტაციასთან დაკავშირებული სამუშაეოები.

შუალედური ანგარიშის მიხედვით , შესრულებული სამუშაოების შედეგად დაიშალა დასავლეთისა და სამხრეთის ტაძარში შესასვლელი კიბეები ,სახურავის ხის კონსტრუქციები , ძველი სახურავის ბურვილი და სამრეკლოზე ასასვლელი კიბეები. მოეწყო სამხრეთის , ჩრდილოეთის და დასავლეთის შესასვლელი ბაქანი და კიბეები. ასევე მოეწყო ხაოიანი თუნუქის სახურავი ლორფინის იმიტაციით, ხის კონსტრუქციები სახურავზე,სამრეკლოზე ასასვლელი კიბეები და ხარაჩოები ფასადებსა და ინტერიერში. გაილესა კამარა კირით და გაიწმინდა ეკლესია სამშენებლო ნარჩენებისგან.

შემსრულებელი: შ.პ.ს. „კირთხურო“

ეყარო: საქართველის კულტურული მემკვიდრეობა