ქართველი ახალგზარდა მსახიობი, ირაკლი კვირიკაძე, ორგანიზაცია European Film Promotion -ის მიერ 10 ყველაზე ნიჭიერ ამომავალ ევროპელ ვარსკვლავს შორის დასახელდა. ისინი დაჯილდოვდებიან ბერლინის საერთაშორისო კინოფესტივალზე 2018 წელს.
ირაკლი კვირიკაძე ერთ-ერთ მთავარ როლს ასრულებს ფილმში „მძევლები“. 25 წლის მსახიობმა, ჟიურის ყურადღება თავისი ენერგიული და ბუნებრივი თამაშით მიიპყრო.
“მძევლები” 2017 წლის ქართველი რეჟისორის რეზო გიგინეიშვილის ფილმია. მისი პრემიერა ბერლინის საერთაშორისო ფესტივალზე გაიმართა.
ფილმს საფუძვლად უდევს ნამდვილი ისტორია, 1983 წელს ტუ-134-ის თვითმფრინავის გატაცების შესახებ.
ბერლინის 68 საერთაშორისო კინო ფესტივალი გაიმართება 2018 წლის 15-25 თებერვალს. 19 თებერვალს კი Berlinale Palast-ში თითოეულ მათგანს პრესტიჟული ჯილდო – European Shooting Stars Award გადაეცემა.
ევროპელი ამომავალი ვარსკვლავების სია:
Matilda De Angelis (იტალია) © Roberta Krasnig
Matteo Simoni (ბელგია) © Janey van Ierland
Irakli Kvirikadze(საქართველო) © Rainer Hosch
Franz Rogowski (გერმანია) © Schramm Film
Réka Tenki (უნგრეთი) © Robert Hegedüs
Jonas Smulders (ნიდერლანდები) © Gerard Wessel
Eili Harboe (ნორვეგია) © Marthe Thu
Alba August(შვედეთი) © agentfirman planthaber/kildén/mandic
Luna Wedler (შვეიცარია) © Mathias Bothor
Michaela Coel(დიდი ბრიტანეთი) © Jonathan Keenan
წყარო: EFP
