Uzbekistan Airways-ს პირველი სტუმრები

  • 18/07/2019
  • Home
  • Uzbekistan Airways-ს პირველი სტუმრები

Uzbekistan Airways-მა ტაშკენტი-თბილისის მიმართულებით ავიარეისის შესრულება დაიწყო. ტაშკენტიდან თბილისში ჩამოსულ 180 მგზავრს თბილისის საერთაშორისო აეროპორტში ტურიზმის ეროვნული ადმინისტრაციის ხელმძღვანელი მარიამ ქვრივიშვილი, „ტავ ჯორჯიას“ წარმომადგენლები და უზბეკეთის ელჩი დახვდნენ.

“ახალი ავიაკომპანიების ჩვენს საავიაციო ბაზარზე შემოსვლა საქართველოსთვის ძალიან მნიშვნელოვანია. ეს ხელს უწყობს ტურიზმის სექტორის განვითარებას. ჩვენ ვაპირებთ აქტიური კამპანია დავიწყოთ უზბეკეთის ტურისტულ ბაზარზე, ეს არის ახალი და ძალიან საინტერესო ტურისტული ბაზარი. ჩვენ უზბეკეთში ივლისსა და აგვისტოში ჩავატარებთ ღონისძიებებს, რაც ხელს შეუწყობს საქართველოს ცნობადობის გაზრდას.“ -განაცხადა მარიამ ქვრივიშვილმა.

უზბეკეთიდან ჩამოსულ მგზავრებს აეროპორტში ბადაგონისა და ლოლაძეების მარნის ღვინით გაუმასპინძლდნენ.

პირველი ავიარეისით იმგზავრა უზბეკეთში საქართველოს ელჩმა ზურაბ აბდუშელიშვილმა.

ტაშკენტი-თბილისის მიმართულებით ავიარეისებს Uzbekistan Airways ზაფხულის სეზონზე კვირაში ორი სიხშირით, ყოველ სამშაბათსა და კვირას შეასრულებს. ავიაფრენები Airbus 320/ Boeing 757 ტიპის საჰაერო ხომალდით განხორციელდება.

სტატისტიკური მონაცემებით უზბეკეთიდან საქართველოში 2019 წლის 6 თვეში წინა წლის ანალოგიურ პერიოდთან შედარებით 185%-ით საერთაშორისო ვიზიტი შედგა.

წყარო: ტურიზმის ეროვნული ადმინისტრაცია