New York Times ლობიოს შესახებ წერს

  • 19/02/2018
  • Home
  • New York Times ლობიოს შესახებ წერს

ცნობილი ონლაინ გამოცემა New York Times ქართული სამზარეულოს, კერძოდ კი ერთ-ერთი ქართული ნაციონალური კერძის, წითელი ლობიოს შესახებ წერს.

“ამერიკელების უმრავლესობა შეყვარებულია ქართულ სამზარეულოზე, განსაკუთრებით კი ხაჭაპურსა და ხინკალზე, თუმცა ჩემთვის ქართული კერძების სიყვარული ლობიოდან იწყება” – წერს სტატიის ავტორი მელისა კლარკი.

სტატიიდან ვიგებთ, რომ მან ლობიოს შესახებ ინფორმაცია თავისი მეგობრისგან, ელის ფეირინგისგან შეიტყო. იგი საქართველოში მოგზაურობდა და ქართული ღვინის უძველესი ტრადიციების შესახებ წიგნს წერდა. ნიუ-იორკში დაბრუნებული კი სულ ქართული სამზარეულოს, კარტოფილის, პომიდვრის და ლობიოს შესახებ საუბრობდა.

სტატიაში ელისი თავის მკითხველს აცნობს ლობიოს მთავარ ინგრედიენტებს, ხახვს, ნიორს და უცხო სუნელს. აქვე ამბობს, რომ მან თავისი მეგობრის წიგნიდან და ინტერნეტიდან მოიძია ამ კერძის მომზადების შესახებ ინფორმაცია და თავადაც კი სცადა მისი მომზადება.

სტატიაში ასევე საუბარია უცხო სუნელზე, რომელიც კავკასიაში იზრდება და განსაკუთრებულად უხდება წითელ ლობიოს, თუმცა ყველაზე გავრცელებული რეცეპტია ხახვთან და ნიორთან ერთად მომზადებული ლობიო.

საქართველოში ლობიოს სხვადასხვანაირი რეცეპტით ამზადებენ, წითელი ლობიო, მწვანე ლობიო და ლობიო ნიგვზით. ასევე საკმაოდ გავრცელებულია ლობიოსთან ერთად მჭადის და სულგუნის, ასევე ხორცის ან თევზის მირთმევაც, ვკითხულობთ სტატიაში.

Photo: Andrew Scrivani for The New York Times

სტატიის ავტორი კიდევ 2 აუცილებელ ინგრედიენტს სთავაზობს თავის მკითხველს. ესენია ტყემალი და ბროწეული, რომელებიც მისი თქმით არაჩვეულებრივ გემოს სძენენ ამ კერძს.

წყარო: New York Times